Samuel Abal

Samuel Tei Abal, vulgo saepius Sam Abal (natus die 26 Iunii 1958) est politicus Papuae Novae Guineae. Filius politici Tei Abal, qui inter conditores Papuae Novae Guineae liberae celebratur, Samuel Abal in Australia in artes diplomatica eruditus est.^[1] Legatus est parlamento Papuae Novae Guineae pro pago Wabag provinciae Enga. Minister a rebus externis fuit ab anno 2007, primo ministro Michaele Somare. A quo die 7 Decembris 2010 ad officium primi ministri vicarii promotus, Samuel Abal bis primus minister ad interim meruit, a die 13 Decembris eiusdem anni ad 17 Ianuarii anni insequentis et a 4 Aprilis 2011 usque ad 2 Augusti 2011.